el7amdellah el7amdellelah

el7amdellah nejaaaaa7t

thanks you all for your support

تعبت من التفكير

السلام عليكم

بس خلاص تعبت من التفكير .... ما ادري احس اني ضايعة و المشكلة اني ما ادري اكلم منو

اخاف اكلم اهلي و انهار اذا كلمتهم و راح اخليهم يحاتوني

اخاف اكلم ريفيجاتي لانه اهما ابروحم لاهيين ابدراستهم و مشاكلهم و ما ابي احملهم همي

مشكلتي ان ما بقى شيء على الامتحانات و باقيلي وايد بالدراسة احس اني وايد متأخره و اذا قدمت الامتحان ماراح انجح و افكر اني ما اقدم الامتحان بعدين اقول لا حرام تعب سنه كامله و اخرتها ما اقدم الامتحان و لازم ارد اداوم من يده و يديد و الله محتارة

و من كثر ما افكر احس اني مو قاعدة اركز بالدراسة و النوم طبعا ما انام عدل و من كثر ما وصلت حدي فكرت احط اغراضي و ارد على اول طيارة الكويت بعدين تعوذت من الشيطان و قلت ما تسوه على جم اسبوع اخرب على نفسي .... بس المشكلة ليلحين احس اني ضايعه

الله يعيني و يهونها علينا بس حبيت افضفض عن الي افكر فيه

العد التنازلي

بدأ العد التنازلي للامتحانات النهائية علشان جذي قل تواجدي في البلوق
كلها جم شهر ان شاء الله و نتخرج و هذا يتطلب ان نبدأ دراسة من فترة قبل الامتحانات
كمية الدراسة وايد يعني لازم نعرف كل الامراض و اشلون نشخصها و شنوا علاجها
يعني بحر من الدراسة

على العموم راح احاول اني ادخل بين فترة و ثانية اذا قدرت

و الله يعينا و ادعولنا اللله يوفقنا و نتخرج

عيدكم مبارك

ليش؟؟؟؟؟؟؟؟!!!!!!!!!!!!!

قبل جم يوم و انا في الطيارة رادة الديرة من وصلنا فوق الكويت و الاخوان الكويتين فتحوا موبايلاتهم بالطيارة و هات يا مكالمات و مسجات و احنا للحين بالجو انزين سؤال اهما ما يدرون ان هذا يأثر على اجهزة الطيارة ..... لو كان بديرة ثانية غير الكويت جان عاقبوهم و غرموهم و صارت من قبل في امريكا على ما اظن ان في واحد استخدم موبايله بالطيارة و غرموه ..... بس للاسف وين الي يلتزم بالقانون عندنا ...... انزين الحين اهم قاعدين 7 ساعات بالطيارة بدون موبايل ما يقدرون يتحملون ربع ساعة بعد بدونه ..... يعني لا سمح الله اثر الموبايل على اجهزة الطيارة و صار شيء شنو راح يستيفيدون بهالحالة ؟؟؟؟؟

صج عمار يا الكويت

قرأيت هذا الموضوع بجريدة الوطن عدد يوم الخميس 7\12\06 و كان عن قيمة ال100 فلس و شنو نقدر نشتري فيها بالكويت صج ال100 فلس تشتري وايد فيها لكن اذا سافرت اغلب الدول ما تحل شيء قيمته 100 فلس حتى بطل الماي اغلى من 100 فلس .... فعلا لما اهلنا ايون يزورونا و نروح نشتري اغراض من السوبر ماركت دايما يقولون عمار يا كويت
اذا تحبون تقرون الموضوع هذا الرابطhttp://alwatan.com.kw/Default.aspx?MgDid=447440&pageId=69
الله يديم علينا النعمة

shopping

السوق قبل الكريسماس من احلى وقت للتسوق وايد فيه شغلات حلوة و لانه رادين بالاجازةالكويت فكل ما صار عندنا وقت فراغ رحنا السوق و شرينه حق الي اكوا و الي ماكوا من الصغير للكبير و عاد الشهر الياي نقعد على الحديده و ندق على اهلنا نبي فلوس و هذي حالتنا كل سنة