sick

صارلي جم يوم فيني انفلوانزا و ما داومت فقلت خل ادق على رفيجيتي الامريكية اقولها ان اذا الدكتور سأل عني تقوله اني مريضة
المهم دقيت و سولفت ويها شوي و قتلها صج ان امي ما تقصر اذا طحت مريضه كل مرة اذا رديت الكويت طبعا لازم انفلوانزا علشان تغير الجو علي
استغربت و قالتلي للحين امج تهتم فيج اذا مرضتي و انت بهالعمر ..... قتلها اي مسكينة عصير رايح شوربه يايه و كل شوي يايتني اذا محتاجه شيء ولاشيات .... طبعا اهي تقول و الله انتوا مدلعين احنا لي صار عمرنا 15\16 سنه بس بعد مالهم شغل فينا نمرض و نطيب بروحنا كل شيء نسوي بنفسنه حتى الطبيب و الدواء احنا انروح نيبه الا اذا كانا بنسوي عملية يمكن يكونون معانا يمكن لا بعد

شيء ثاني لاحظته اهني بعد ان مافيه مجال ان الام او احد من الاهل يبات معاك بالمستشفى كلش ماكوا احد ينام عندك بالمستشفى لو شنو العملية الي مسويها يمكن بس لي عمر 12 سنه يخلون الام تقعد عند الياهل بالمستشفى

الحمدالله على الترابط الاسري الموجود عندنا و الله يتمم علينا