اداوم و لا ادرس

صج محتارة مع الدوام و الدراسة
كل يوم دوامي من 8 لي 5
و على ما نرد البيت و نتفطر الا صار 8
و على اقل لازم انام 11 علشان اقوم مبجر
فهذا معناه ان بس 3 ساعات عندي ادرس
المشكلة ان ما راح اقدر اخلص الي علي
جذي و ماكوا وقت بعد رمضان
ف شنوا الحل اكشت بالدوام و اقعد ادرس
او اداوم و ما ادرس ؟؟

رمضان و المسلسلات ؟؟؟

سؤال كل سنه يدور في بالي قبل رمضان

ليش كل المسلسلات تكون حق رمضان

المفروض ان هذا الشهر الفضيل يكون شهر عبادة

و ان نستغل اوقاتنا فيه بالعبادة و الصلاة و القيام

و حتى لو الواحد يقرر يشوف تلفزيون مو معقولة بيشوف

كل هذة المسلسلات يعني معقولة في 33 مسلسل خليجي

هذا غير المصري و السوري يعني لو انا منتج المسلسل

افكر ان وايد راح يكون في مسلسلات و يمكن مسلسلي يضيع بالطوشة

فاحسن احطه وقت ثاني و السنة 12 شهر مو شهر واحد

اجازة

اليوم عطيت جسمي اجازة صراحة قمت الصبح الساعة 6.30

قلت بالطقاق ما راح اداوم اليوم و اللي يصير يصير

صارلي اسبوعين اداوم من 7 الصبح لي 5 الظهر

يعني اطلع من البيت 6.30 و ما ارد الا على 6 المغرب

و الله تعب و الجسم له حق علينا فقررت ارد انام

و توني قاعده 11 يعني صج فرق

الحمدالله احس اني وايد احسن

النهاية

لا ادري لماذا احس اني احلم

لا اصدق اني وصلت الى السنه النهائية في دراستي الجامعية

لا ادري هل هذا نابع من خوف و رهبة من الدراسة و الامتحانات القادمة

و التي يتحدث عنها الكل منذ بداية المرحلة الجامعية

ام لانه كان حلما في يوم من الايام و اوشك الحلم ان يتحقق

او ربما لما مررت به من صعوبات للوصول الى هذة المرحلة

و التي في يوم من الايام احسست اني فقدت الامل في الوصول اليها

المشكلة انه هذا الشعور يجعلني اسرح كثيرا انا ادرس و طبعا الوم نفسي لاحقا

و اجلس ابكي لا شعوريا لاني احس اني في دوامة بين الدراسة و الخوف

و الطامة الكبرى اني لا استطيع ان اعبر عن ما احس به لاحد